EN
GE
IELTS გამოცდისთვის მოსამზადებელი კურსი
IELTS შესახებ
IELTS მსოფლიოში ერთ-ერთი ყველაზე პოპულარული ტესტია. IELTS (ინგლისური ენის ტესტირების საერთაშორისო სისტემა) განკუთვნილია მათთვის, ვისაც სურს უმაღლესი განათლების მიღება ან გლობალური მიგრაცია. გასულ წელს მსოფლიოში 2,3 მილიონზე მეტმა ადამიანმა ჩააბარა.
IELTS აფასებს ინგლისური ენის ყველა უნარს (კითხვას, წერას, მოსმენასა და საუბარს) და შექმნილია იმისთვის, რომ ასახოს ინგლისური ენის გამოყენება რეალურ ცხოვრებაში — სამუშაოსა თუ სწავლის პროცესში.
"საერთაშორისო სახლი" გთავაზობთ წინასწარ ტესტირებასა და გასაუბრებას. შერჩეული კანდიდატები გაივლიან ექვსკვირიან ინტენსიურ კურსს.
მასწავლებლები
ჩვენი ყველა მასწავლებელი ფლობს საერთაშორისო დონეზე აღიარებულ კვალიფიკაციებს, როგორიცაა CELTA ან DELTA, და რეგულარულად მონაწილეობს უწყვეტ პროფესიულ განვითარებაში.
ჩვენი გუნდი აერთიანებს მაღალკვალიფიციურ ადგილობრივ მასწავლებლებსა და სხვადასხვა ქვეყნიდან მოწვეულ პედაგოგებს, მრავალფეროვანი პროფესიული გამოცდილებით, რაც ქმნის მდიდარ და დინამიკურ სასწავლო გარემოს.
სახელმძღვანელოები
„საერთაშორისო სახლი“ წამყვანი ბრიტანული გამომცემლობების ოფიციალური წარმომადგენელია საქართველოში და ჩვენი წიგნის მაღაზია მრავალფეროვან სასწავლო და მეთოდურ ლიტერატურას ითვლის.
კურსზე გამოიყენება თანამედროვე სასწავლო სახელმძღვანელოები, როგორიცაა: Ready for IELTS (2nd Edition); Focus on IELTS (New Edition); Cambridge English IELTS Trainer
გამოცდაზე დარეგისტრირება
IELTS-ის გამოცდის შესახებ ინფორმაციისა და დეტალებისთვის გთხოვთ დაუკავშირდეთ თქვენს უახლოეს საგამოცდო ცენტრს ან ეწვიოთ ოფიციალურ პარტნიორს — British Council-ს: https://www.britishcouncil.ge/en/exam/ielts/book-test